IEN - IEN FOAR MY

Doe't ik de fuotbalkantine binnen kaam, hearde ik it praat al oer ôfrûne tiisdei. Us links-back rierde senuweftich wat mei it rierstokje yn it dûbele plestik bekerke mei kofje. Ik rûn nei him ta en begûn mar oer wat oars.
   'Ik hoopje dat de sjirts net wer sa weak binne as de lêste kear,' sei ik tsjin him.
   'Wêr wiest tiisdei?! Yn 'e kroech seker! Stiest aanst moai net yn 'e basis!'
   No't de wurden der einliks útkommen wienen, koe er wer rêstich oan syn twadde sjekky foar de wedstriid begjinne.