NEAT SEIN

No bouwe se hjir in fabryk
Dêr't se stege ûnen meitsje
Dy't smoarge taal rane,
Fine traljes smeie, ik sis neat

En skriuw ik ryklik let om lyk
Oer hoe 't stielen tongen smeitsje
It fjoer sil mynt baarne,
Yn 'e flammen daaie, ik sis neat

En stel fêst dat de speaken my
Oer de mûle spanne, dat it
In slot is, dat op de lippen sit

En sil nea der in sprek fan my
Oer útflappe meie, ik swij dat it
In aard hat, oer wat opsletten sit

*

(Earder publisearre yn Hjir 1, 2003 )